用HSBC信用卡增值PayMe，可以賺到信用卡積分、現金回贈！睇黎HSBC真係想大家用多啲PayMe啦！每個月只需要用信用卡增值去Payme 錢包HK$3,000，就己經有RC$12回贈，每HK$250消費回贈RC$1 (0.4%)，而Payme錢包既錢亦可以過返落自己HSBC或恒生戶口，然後遲啲再找卡數、放落虛擬銀行收利息都得！不過注意返，如果唔係HSBC信用卡，就係每個月增值上限只係得$1,000，同埋會有手續費！而建議大家用黎玩HSBC PayMe既卡真好係HSBC信用卡，每個月增值上限就有$3,000，同埋免手續費！
全港已有過萬間大大小小的商店接受PayMe付款，讓你輕鬆消費，同時盡享一系列獨家折扣優惠！
| 推薦用信用卡增值 | HSBC Everymile |
| 增值HK$3,000 | RC$12 / 240 飛行里數 |
| 匯豐銀行信用卡 | 0% 手續費 上限增值HK$3,000 |
| 非匯豐銀行信用卡 | 1.2% 手續費 上限增值HK$1,000 |
PayMe 手續費
從2024年8月19日起，用戶如果透過非匯豐銀行發行嘅信用卡幫PayMe帳戶增值，將會被收取1.2%手續費！匯豐銀行信用卡沒有手續費。
PayMe 註冊及身份證驗
安裝HSBC Payme ，用Facebook account 或電話號碼去註冊就得。
HSBC PayMe轉賬至銀行
按「增值」上面一個箭嘴向上Logo，再加銀行戶口落去，就可以即時將已增值既$3,000轉返落戶口。$3,000就賺到回贈之餘，亦可以即刻袋袋平安入銀行戶口啦！每月必做任務！
PayMe信用卡回贈 (增值$3000回贈$12)
每個月都做一次Payme的話，增值$3000己經有$12回贈，每$250消費回贈$1 (0.4%) ，咁樣0零本就可以拎到$12啦！
PayMe 轉帳上限
| 轉落銀行戶口方面 | 增值上限 |
| 非匯豐信用卡持有人、身份證認證後 | 每日：$1,000 |
| 每月交易上限：$30,000 | 每月：$1,000 |
| 每年交易上限：$100,000 | 每年：$100,000 |
注意事項
留意返！HSBC有嚴格風險管理制度，只要有任何風險就會鎖卡，所以各位用Payme 最好注意以下事項
1. 同一張信用卡，唔好出現喺唔同Payme戶口（鎖硬）
2. 同一個銀行戶口，唔好出現喺唔同Payme戶口（鎖硬）
3. 同一張身份證開，唔好多個一個Payme戶口（鎖硬）
4. 同一部電話，唔好用多個一個Payme戶口（鎖硬）
HSBC Paylink
宜家可以可以用自己個名建立個人專屬 PayLink，透過 WhatsApp、手機短訊或其他方式分享給朋友，對方只需點按您的 PayLink，再輸入金額，即可向您付款！所以要盡快登記去搶自己條link啦！
方法：要取得心水 PayLink，您只需於主頁向左掃＞點按「我的 PayCode」＞然後按「自訂我的 PayLink」
繳付日常生活賬單
只要用 PayMe 一掃 QR 碼，就可以繳付指定政府及公用事業賬單：
- 只需於主頁向左掃或點按「付款」按鈕打開掃描器
- 掃描政府及公用事業賬單上的 QR 碼，然後照常授權付款即可
可繳付既賬單包括：
- 水費(水務署)
- 電費(香港電燈有限公司)
- 政府一般繳款單
- 稅務局：利得稅、薪俸稅、個人入息課稅、商業登記費、分行登記費、印花稅、法庭費用、儲稅券、物業稅及判定債項利息
- 差餉物業估價署
